سحب رصيد التيك توك في مصر بدون دفع عمولة

سحب رصيد التيك توك فودافون كاش

ناس كتير بتبحث عن طريقة سحب رصيد TikTok في مصر خصوصًا الفئة التي لا تمتلك حساب بنكي أو حتى لديك حساب بنكي لكن الأرباح بتوصلك متأخر أو مخصوم منها عمولة 2.9 دولار، النهاردة إن شاء الله هستعرض معاك أكتر من طريقة تقدر من خلالها تسحب رصيدك على التيك توك بسهولة، معاك إبراهيم محمد ويلا بينا نبدأ الخطوات.

ما هي طرق السحب المتوفرة لسحب رصيد TikTok في مصر؟

يوفر تيك توك 3 وسائل لسحب رصيدك في مصر وهي كالتالي:

  1. بايونير - Payoneer : وهي عبارة عن شركة خدمات مالية تقدم خدمات تحويل الأموال عبر الإنترنت.
  2. باي بال - PayPal : وهو عبارة عن موقع ويب تجاري يسمح للمستخدم بتحويل المال عبر الإنترنت.
  3. الحساب البنكي: وهو عبارة عن حساب تقدر تفتحه في أي بنك داخل مصر، سواء كان حساب توفير أو حساب جاري.

الفرق بين وسائل سحب الرصيد على تيك توك

دلوقت خلينا نشرح كل وسيلة سحب على حدى وأوضحلك مميزات وعيوب كلاً منها، مع العلم أني من خلال المقارنة هعتمد على 5 عوامل وهي:
  1. سهولة إنشاء حساب لكل وسيلة سحب.
  2. عمولة كل وسيلة سحب.
  3. الحد الأدنى للسحب.
  4. عملة السحب لكل وسيلة.
  5. وقت وصول الرصيد إلى وسيلة السحب.

أولاً: السحب إلى بايونير

بايونير مدعوم في مصر بشكل رسمي وتقدر تفتح حساب شخصي بكل سهولة وبدون أي مصاريف، هوضح ليك متطلبات فتح الحساب:
  1. بطاقة رقم قومي سليمة لتوثيق الحساب.
  2. رقم موبايل لم يسجل به من قبل على بايونير.
  3. يكون متوفر معاك فاتورة هاتف ارضي أو مياه أو غاز أو كهرباء بيظهر فيها نفس العنوان اللي هتسجل بيه الحساب لتأكيد العنوان (أحيانًا يتم طلبه لإثبات العنوان وأحيان أخرى لا).
عمولة سحب رصيد TikTok إلى بايونير
العمولة 0% تيك توك لا يتقاضى أي رسوم مقابل السحب.
الحد الأدنى لسحب رصيد TikTok إلى بايونير
أقل مبلغ يمكنك سحبه إلى بايونير هو 1 دولار.

عملة سحب رصيد TikTok إلى بايونير
الدولار الأمريكي.

وقت وصول رصيد TikTok إلى بايونير
تيك توك يشير إلى وصول التحويل خلال 1 يوم، لكن من تجارب شخصية متعددة فالتحويل يستغرق من 5 إلى 15 دقيقة حتى في أيام الإجازات.
تحديث هام: اعتبارًا من 17 يوليو يتم خصم عمولة سحب 1$ عند سحب مبلغ أقل من 100$ من تيك توك إلى بايونير

انشئ حساب بايونير الآن

ثانيًا: السحب إلى باي بال

باي بال مدعوم في مصر بشكل (شبه رسمي) ليه شبه رسمي؟ لأن في بعض البنوك بتحظر التعامل مع باي بال منها على سبيل المثال البنك الأهلي المصري، وتقدر تفتح حساب شخصي بكل سهولة وبدون أي مصاريف، هوضح ليك متطلبات فتح الحساب:

  1. بطاقة رقم قومي سليمة لتوثيق الحساب.
  2. رقم موبايل لم يسجل به من قبل على باي بال.
  3. بطاقة بنكية من نوع فيزا وليست ماستر كارد، ليه فيزا تحديدًا؟ لأن الماستر كارد لا تدعم سحب رصيد الباي بال، ومن أشهر البطاقات المقبولة في باي بال:
    1. فيزا ايزي باي من البريد المصري
    2. فيزا يلا من البريد المصري
    3. فيزا Debit من بنك QNB
عمولة سحب رصيد TikTok إلى باي بال
تيك توك تتقاضى عمولة 1.5% من المبلغ اللي هتسحبه + 0.1 دولار

الحد الأدنى لسحب رصيد TikTok إلى باي بال
أقل مبلغ يمكنك سحبه إلى باي بال هو 1 دولار.

عملة سحب رصيد TikTok إلى باي بال
الدولار الأمريكي.

وقت وصول رصيد TikTok إلى باي بال
تيك توك يشير إلى وصول التحويل خلال 1 يوم، لكن من تجارب شخصية متعددة فالتحويل يستغرق من 5 إلى 15 دقيقة حتى في أيام الإجازات.

انشئ حساب باي بال الآن

ثالثًا: الحساب البنكي

حاليًا تقدر تنشأ حساب شخصي في أي بنك داخل مصر من خلال اختيار بنك معين والتوجه لأقرب فرع قريب منك لبدء إجراءات فتح الحساب، طبعًا متطلبات فتح الحساب بتختلف من بنك للتاني وكمان من وقت للتاني لأن في الوقت اللي بكتب فيه المقالة دي بتحصل مبادرات الشمول المالي واللي من خلالها تقدر تفتح حساب بنكي بدون أي مصاريف وبدون حد أدنى، خليني استعرض معاك أهم المتطلبات لفتح حساب بنكي في مصر:

  1. بطاقة الرقم القومي.
  2. إثبات الدخل من جهة العمل (بتطلبه أغلب البنوك فيما عدا قلة)
  3. الحد الأدنى لفتح الحساب يتراوح من 500 إلى 1500 حسب شروط كل بنك، بتعمل بيهم إيداع في الحساب.
  4. مصاريف فتح الحساب في الغالب بتكون أقل من 100 جنيه.

عمولة سحب رصيد TikTok إلى الحساب البنكي
تيك توك تتقاضى عمولة 2.9 دولار من المبلغ اللي هتسحبه.

الحد الأدنى لسحب رصيد TikTok إلى الحساب البنكي
أقل مبلغ يمكنك سحبه إلى باي بال هو 8 دولار.

عملة سحب رصيد TikTok إلى الحساب البنكي
الجنيه المصري.

وقت وصول رصيد TikTok الحساب البنكي
تيك توك يشير إلى وصول التحويل خلال 3 إلى 5 أيام، من تجارب شخصية بتوصل خلال يوم أو اتنين باستثناء أيام الاجازات بتنتظر لحين عودة البنوك للعمل.

ما هي أفضل وسيلة سحب لرصيد التيك توك؟

دلوقت هعمل مقارنة مبسطة لتوضيح أفضل وسيلة سحب بناءً على العوامل الخمسة اللي ذكرتها قبل كده

سحب رصيد التيك توك في مصر بدون دفع عمولة

اذن من خلال المقارنة استنادًا على الخمس عوامل هنلاقي إن بايونير هي أفضل وسيلة سحب، لكن جدير بالذكر إنك لازم تربط حسابك على بايونير بحساب بنكي سواء بالجنية المصري أو دولار وده العيب اللي ممكن يلغي جميع المميزات، لكن يظل بايونير وسيلة سحب قوية لو انت عاوز تسحب رصيدك لمصر بالدولار لأن سواء الحساب البنكي أو باي بال مش هتقدر تسحب بيهم الرصيد غير مصري.

حل مشكلة السحب من بايونير

شخصيًا أرشح بايونير في حالة من اتنين!

الحالة الأولى: لو انت حابب تحتفظ بأموالك بالدولار حفاظًا عليها من التضخم، لأن باي بال بيستقبل دولار لكنه بيرسل اوتوماتيكًا كل أول شهر رصيدك إلى الفيزا المرتبطة بالحساب بعملة الجنيه المصري، أما بايونير تقدر تسيب فيه أي مبلغ لحين ما تعمل حساب بنكي بالدولار وتربطه بيه وتسحب رصيدك دولار.

جدير بالذكر أن عمولة السحب من بايونير إلى حسابك البنكي الدولاري أو الجنيه تكون 2% بالإضافة إلى عمولة البنك.

الحالة الثانية: إذا كنت تود الحصول على رصيدك بالجنيه المصري لكن تريده أن يصل إليك بسرعة وبأقل عمولة ممكنة، هنا تقدر تسحب رصيدك على تيك توك إلى حساب بايونير بـ 0 عمولة واحنا في ادركها هنساعدك تسحبه بأقصى سرعة وأفضل سعر.

سحب رصيد تيك توك فودافون كاش

نوفر وسائل الدفع التالية:

  1. دفع رصيد تيك توك عن طريق فودافون كاش.
  2. دفع رصيد تيك توك عن طريق فوري.
  3. دفع رصيد تيك توك إلى حسابك البنكي.
  4. دفع رصيد تيك توك إلى وسيلة السحب التي تختارها.

لماذا تثق بنا؟

ادركها شركة مسجلة في مصر بشكل رسمي والقائم عليها هو ابراهيم محمد، تقدر تتواصل معايا عن طريق الفيس بوك وإن شاء الله أرد على جميع استفساراتك بعيدًا عن أي خدمة بنقدمها.

إرسال تعليق