شرح ارباح اشتراك Live في تيك توك وطريقة السحب
ما هي النسبة التي تحصل عليها من أرباح اشتراك Live؟
تيك توك تمنحك 50% من الأرباح بعد تطبيق الضرائب المعمول بها وخصم رسوم الخدمة الخاصة بهم.
عشان أوضحلك الصورة بشكل أكبر، هنقسم حالة المتابع اللي هيشترك إلى نوعين:
النوع الأول: (في حالة ان متابع اشترك معاك من خلال تطبيق التيك توك) هنا المتابع بيدفع الاشتراك من خلال خدمة Google Pay أو Apple Pay وفي الحالة دي في نسبة 30% بتتخصم من طرف جوجل أو ابل والمبلغ المتبقي بيتم اقتسامه بينك وبين تيك توك بشكل متساوي.
مثال: أحمد عمل عندك اشتراك بـ 5$ ودفع من خلال التطبيق، هنا هيتم خصم 30% رسوم الخدمة (وهو ما يعادل 1.5$) يتبقى 3.5$ بيتم اقتسامها بينك وبينك تيك توك يعني هتحصل على 1.75$ كأرباح من اشتراك أحمد.
النوع الثاني: (في حالة ان متابع اشترك معاك من خلال موقع تيك توك على الويب) هنا بتكون رسوم الخدمة 4% تقريبًا، وباقي المبلغ بيتم اقتسامه بشكل متساوي بينك وبينك تيك توك.
مثال: أحمد عمل عندك اشتراك بـ 5$ ودفع من خلال موقع الويب، هنا هيتم خصم 4% رسوم الخدمة (وهو ما يعادل 0.02$) يتبقى 4.98$ بيتم اقتسامها بينك وبينك تيك توك يعني هتحصل على 2.49$ كأرباح من اشتراك أحمد.
كم مرة تستطيع تغيير سعر اشتراك Live؟
الحالة الأولى وهي إن معندكش مشتركين وهنا تقدر تغيير سعر الاشتراك براحتك وعدد مرات لا نهائي حسب السعر اللي يناسبك.
الحالة الثانية وهي إن عندك مشترك واحد أو أكتر وهنا تقدر تغير سعر الاشتراك مرة واحدة كل 30 يوم، وبيتم تطبيق التغيير في السعر خلال 3 ساعات أول أقل.
عندما أغير السعر ايه اللي هيحصل للمشتركين عندي؟
- بالنسبة للمشتركون الجدد سوف يدفع السعر الجديد
- بالنسبة للمشتركون الحاليين بخطة شهر واحد فقط، لن يحدث شئ لخطط الاشتراك الحالية وإذا أرادوا تجديد اشتراكهم بعد تغيير السعر، فسوف يحاسبون بالسعر الجديد اللي أخترته.
- بالنسبة للمشتركون الحاليين بخطة تجديد تلقائي هيكون في حالتين:
- لما تختار تقلل سعر الاشتراك: سيجرى إخبار المشتركين بتغيير السعر وستبدأ محاسبتهم بالسعر الجديد بداية من الفاتورة التالية بالتجديد بالسعر الأقل.
- لما تختار تزيد سعر الاشتراك: سيجرى لإخبار المشتركين بتغيير السعر وستكون لديهم مدة 30 يومًا لاتخاذ قرار الموافقة على زيادة السعر أو رفضها، وإذا لم يوافقوا ولم يتخذوا أي إجراء هتنتهي صلاحية اشتراكهم عند بداية الفاتورة التالية لحين اتخاذ إجراء من جانبهم بالتجديد بالسعر الجديد.
هل لازم تقول للمشتركين عندك إنك غيرت السعر؟
ما هي طرق السحب لأرباح اشتراك Live تيك توك؟
في طريقة سحب واحدة متوفرة في خيارات السحب الخاصة بأرباح اشتراكات تيك توك وهي باي بال، للأسف باي بال فيه مشاكل كتير لسحب الفلوس منه داخل مصر لكن يظل في بعض الحلول اللي تقدر تستخدمها زي إنك تفتح حساب بايونير وتسحب عليه المبالغ من باي بال وهنا بيكون في عمولة سحب 1% بايونير بيخصمها، وبعدين هتحتاج حساب بنكي في مصر لسحب أرباحك من بايونير.
ما هي عمولات السحب الخاصة بـ بايونير وباي بال؟
1. عمولة سحب رصيد من تيك توك إلى حساب باي بال 1.5% + 0.1 سنت
2. عمولة سحب المبلغ من باي بال إلى حساب بايونير 1% والنسبة دي بايونير بيخصمها
3. عمولة سحب المبلغ من بايونير إلى حسابك البنكي في مصر 2% بيخصمها بايونير + عمولة البنك 10$ وعمولة البنك الوسيط ودي بحددها البنك الخاص بيك، في حالتي بنك القاهرة بيخصم 10$ + 4$ رسوم الخدمة يعني 14 دولار
تنويه: لو حسابك بالجنيه المصري، الفلوس هتوصل حسابك وهيتم تحويلها بحسب سعر الصرف.
وتقدر تطلع على مقالة سحب رصيد التيك توك في مصر
ما هي الحلول البديلة لسحب أرباح تيك توك؟
لو مقدرتش تنفذ الخطوات السابقة وبتواجهك مشاكل في عمل حساب بنكي أو عمل حساب باي بال أو بايونير وحابب تسحب أرباحك بطريقة أقل تعقيد، من خلال منصة ادركها بتقدم حل الوساطة وهي سحب أرباحك من تيك توك وبيتم إرسالها حسب وسيلة الدفع المفضلة ليك (فودافون كاش، اتصالات كاش، أو أي محفظة عندك)